Plätzli für drüjährigi Jack Russell Hündin Bella

Wäge am Umzug vo minere Muetter in e chlineri Wohnig mitsamt Tierverbot chönne mir d'Bella leider nüme bhalte. Es bricht eus s'Herz, aber mir sueche jetzt es tolls Neus Daheim, wo sie gnueg Uslauf het und d'Natur gniesse cha. Sie isch sich s'Läbe im Grüene gwöhnt und brucht öpper, wo viel Zyt für sie het.

D'Bella isch e Jack Russell Terrier Dame, drü Johr alt und het ordentlich Pfupf im Füdli. Sie isch total gärn dussä, am liebschte de ganz Tag im Garte oder bi Wanderige debii. Sie isch gsund, gchipt und het alli Impfige. Mit Chind chunnt sie super klar, aber Chatze mag sie gar nöd, do mues mer e bitz ufpasse bim Spaziere.

Am beschte chömed ihr sie mol in Beckenried go aluege, demit mir s'Gfüel hend, dass es passt. Mir gänd s'ganze Zuebehör wie s'Chörbli und d'Leine gad mit. De Priis isch e herzensach, mir wänd eifach, dass sie es guets Plätzli bechunnt. Bezahlig am liebschte per Twint oder Bar vor Ort.